Stoppelfelder streichle


Leseprobe aus Stoppelfelder streichle

S Jubelpaar
Heit senn sie en de Zeitung gwest die goldene Hochzeiter fuffzich Johr s dreivertls Leewe minånner verbrocht sich gfraaid enenånner sich uff d Nerve gfalle enånner sich kenne glernt enånner innerwennich un ausewennich sie kenne sich nix meh vormache enånner Un heit senn sie desweg en de Zeitung gwest Sie guckt en åå e bißl verschämt er hängt sie ei e bißl uubholfe	die Generatiun hot net glernt ihr Gfiihl uff de Markt zu trare vielleicht isch des der Grund warum sie noch beinånner senn M.K.

Na un?
Die Leit rede un rede es dete immer wennischer Kinner gebore werre un prophezeie daß die Palz iwwer korz odder lang vum Aussterwe betroffe wär. Sie meene awwer grad die einheimische Kinner die auslännische Kinner hawwe se vergesse. Die Türke, Grieche un Italiener	un wie se sunscht noch alle heeße hawwe aa Kinner un net zu wennisch die mache de Ausfall schnell widder wett. Mir hawwe genau soviel Pälzer wie frieher bloß hawwe se annere Name. Na un? I.R.

Vor lauter Basse
Em Winter baßt mer uffsFrihjohr daß s endlich nauszus geht em Frihjohr baßt mer uff de Summer dass s endlich wärmer werd em Summer baßt mer uff de Herbscht daß d Äpfl zeidisch senn un d Biire un der Wei em Herbscht baßt rner uff de Winter daß Schnee fällt un daß Weihnacht werd vor lauter Basse uff des was kummt mergt mer net wie oom d Zeit devuu left	vor lauter Basse verbaßt mer s Leewe M.K.
Zurück